1 Պարծենալը յիրաւի օգուտ չէ բերում ինձ. Բայց կ’գամ Տիրոջ տեսիլքներին եւ յայտնութիւններին։ 2 Մէկ մարդ գիտեմ ա Քրիստոսումը տասնեւչորս տարուց առաջ, թէ մարմնով էր՝ չ’գիտեմ, եւ թէ առանց մարմնի էր՝ չ’գիտեմ, Աստուած գիտէ. բ նա յափշտակուեցաւ մինչեւ երրորդ երկինքը։ 3 Եւ գիտեմ այնպիսի մարդին թէ մարմնով՝ եւ թէ առանց մարմնի էր՝ չ’գիտեմ. Աստուած գիտէ. 4 գ Որ նա յափշտակուեցաւ դրախտի մէջ. Եւ անասելի բաներ լսեց՝ որ մարդի պէտք չէ նորանց խօսել։ 5 Այնպիսուն համար կ’պարծենամ. դ բայց իմ անձի համար չեմ պարծենալ, բայց միայն իմ տկարութիւններովը։ 6 ե Որովհետեւ եթէ կամենամ էլ պարծենալ անմիտ չեմ լինիլ. Որ ճշմարիտն եմ ասում. Բայց խնայում եմ, որ մի գուցէ մէկն ինձ համար աւելի բան համարէ, քան թէ այն՝ որ ինձանում տեսնում է կամ ինձանից լսում։ 7 Եւ որ յայտնութիւնների առաւելութեամբը չ’հպարտանամ, զ մարմնիս համար խայթ տրուեցաւ ինձ՝ է սատանայի հրեշտակ, որ ինձ բռունցքով ծեծէ, որ չ’գոռոզանամ։ 8 ը Սորա համար երեք անգամ աղաչեցի Տիրոջը, որ նորան հեռացնէ ինձանից։ 9 Եւ նա ինձ ասեց. Բաւական է քեզ իմ շնորհքը, որովհետեւ իմ զօրութիւնը տկարութեան մէջ է կատարվում. Արդ թ աւելի յօժարութեամբ իմ տկարութիւններովը կ’պարծենամ. ժ որ Քրիստոսի զօրութիւնը բնակուէ ինձանում։ 10 ի Վասնորոյ հաւանել եմ տկարութիւնների, թշնամանքների, վիշտերի, հալածանքների, եւ նեղութիւնների Քրիստոսի համար. լ որ երբոր տկարանում եմ, այն ժամանակ զօրանում եմ։ 11 խ Անմիտ եղայ պարծենալովս. Դուք ինձ բռնադատեցիք. Որ պէտք էր ինձ վկայութիւն առնել ձեզանից. ծ որովհետեւ ոչ մի բանով պակաս չ’եղայ քան թէ այն մեծամեծ առաքեալները, կ թէեւ ես ոչինչ եմ։ 12 հ Բայց առաքեալի նշանները ձեր մէջ գործուեցան՝ ամեն համբերութիւնով, նշաններով եւ հրաշքներով եւ զօրութիւններով։ 13 ձ Որովհետեւ ի՞նչ է որ նորանով պակաս գտնուեցաք քան թէ ուրիշ եկեղեցիները. ղ եթէ ոչ նորանով՝ որ ես ծանրութիւն չ’տուի ձեզ. ճ ներեցէք ինձ այդ վնասը։ 14 մ Ահա երրորդ անգամն է որ պատրաստ եմ ձեզ մօտ գալու, եւ ձեզ ծանրութիւն չեմ տալ. յ որովհետեւ ձեր բանը չեմ որոնում՝ այլ ձեզ. ն նորա համար որ ոչ թէ որդիքը հայրերի համար պէտք է գանձ հաւաքեն, այլ հայրերը որդկանց համար։ 15 շ Բայց ես յօժարութեամբ ո ձեր անձերի համար ծախք կ’անեմ, եւ ծախք կ’լինիմ. չ թէեւ աւելի սիրելով ձեզ՝ ես քիչ սիրուիմ։ 16 Բայց թող լինի. պ ես ծանրութիւն չ’եղայ ձեզ. Սակայն խորագէտ լինելով՝ վարդապետութեամբ բռնեցի ձեզ։ 17 ջ Մի՞թէ նորանց ձեռովը՝ որ ձեզ մօտ ուղարկեցի՝ մի բան քաշեցի ձեզանից։ 18 ռ Աղաչեցի Տիտոսին՝ ս եւ նորա հետ այն եղբօրն էլ ուղարկեցի, մի՞թէ Տիտոսը ձեզանից մի բան քաշեց. Չէ՞ որ մենք նոյն հոգով վարուեցանք. Չէ՞ որ նոյն ճանապարհով գնացինք։ 19 վ Դարձեալ կարծո՞ւմ էք թէ մենք խօսքով մեզ պաշտպանում ենք. տ Աստուծոյ առաջին Քրիստոսումը խօսում ենք. ր եւ ամեն բան, սիրելիներ, ձեր շինութեան համար է։ 20 Որովհետեւ վախենում եմ, որ մի գուցէ իմ գալու ժամանակը ձեզ այնպէս չ’գտնեմ՝ ինչպէս կամենում եմ. ց եւ ես գտնուիմ ձեզ համար ինչպէս էլ դուք չէք կամենում. Որ չ’լինեն կռիւներ, նախանձներ, բարկութիւններ, գրգռութիւններ, չարախօսութիւններ, քսութիւններ, ամբարտաւանութիւններ, խռովութիւններ։ 21 Որ մի գուցէ դարձեալ իմ գալու ժամանակ՝ ւ իմ Աստուածն ինձ ցածացնէ ձեզ մօտ, եւ սուգ մտնեմ շատերի համար փ որ առաջուց մեղք գործեցին, եւ ապաշխարած չ’լինին այն պղծութեան եւ ք պոռնկութեան եւ գիճութեան համար՝ որ գործեցին։
Բ Կորնթացիս 12